यान्यस्माकं सुचरितानि, तानि तयोपास्यानि नो इतराणि –

प्राचीनकाले गुरुकुलीयशिक्षाप्रणाल्याः एव प्रचारःआसीत् यतोहि सर्वेऽपि महापुरुषाः श्रीरामकृष्णचन्द्रगुप्तादयो गुरुकुलस्य एव सन्नातका आसन् । तस्यां ऋषि-परम्परायां यथा बालकाः धन-जाति-वर्णादिगत-भेदरहिताः अष्टवर्षानन्तरं गृहं विहाय गुरुचरणेषु सर्वाणि शास्त्राणि अधीयते स्म, अन्यच्च शारीरिकम् आध्यात्मिकं बौध्दिकंविकासञ्च अलभन्त् । तत्र गुरुकुले आचार्यः सर्वान् आचारग्राहकणि वाक्यानि वदति स्म, तथा ‘सत्यं वद धर्मं चर’, स्वाध्यायप्रवचनाभ्यां न प्रमदितव्यम्, अन्यच्च ‘यान्यस्माकं सुचरितानि तानि तयोपास्यानि नो इतराणि अर्थात् सर्वेषां सदुणानामेव धारणं भवेदिति । एतादृशीमेव शाश्र्वतीं परम्परां निर्वोढुं महर्षिदयानन्दसरस्वतीस्वामिनः गुरोः नाम्नि स्थापितमिंद गुरुकुलं “गुरुविजानन्द-गुरुकुल-महाविद्यालयः करतारपुरम्,” अद्य आधुनिकीभिः सुविधाभिरपि सम्पन्नं सत् देशस्य सर्वाड़्गीणे विकासे योगदातृणां योग्यविद्यार्थिनां निर्माणे प्रयत्नशीलमस्ति । अस्माकमुद्देश्यं छात्राणां सर्वाड़्गीणे विकासः व्यक्तिनिर्माणञ्च अस्ति ।
अहं सत्रे 2020-2021 हेतु सर्वेषां नूतनपुरातनछात्राणां हार्दम् अभिनन्दनं स्वागतञ्च व्याहरामि, आशासे च यत् सर्वे ऽपि बटवः गुरूकुलूयनियमान् पालयन्तः स्वां सर्वाड़्गीणाम् उन्नतिं करिष्यन्ति राष्ट्रनिर्माणे च स्वभूमिकां ज्ञास्यन्ति इति ।
शुभकामनाएँ एवं शुभाशीष ।


प्राचार्य

डॉ. उदयन आर्य

गुरु विरजानन्द गुरुकुल महाविद्यालय,

करतारपुर-144801 जिला-जालन्धर (पंजाब)